O bng de Teo realiza unha ofrenda floral no monumento da Batalla de Cacheiras
O bng de Teo conmemorou na mañá do 23 de Abril ás persoas que participaron na Batalla de Cacheiras en 1846 como "semente necesaria do nacionalismo actual".
A voceira, Patricia Castelao, e a concelleira, Carme Diéguez, xunto cun grupo de militantes, realizaron unha ofrenda floral no monumento conmemorativo da Fundación O Grelo-Amigos de Galiza e convidaron a "homenaxear ás persoas que defenderon os nosos dereitos e un futuro de seu para a nosa terra".
"Na Batalla de Cacheiras defendéronse os nosos dereitos como pobo e tamén os dereitos das persoas a vivir dignamente e, neste sentido, é un referente de especial valor para o BNG porque nos sentimos herdeiras deses mesmos obxectivos e por eles traballamos", apuntou Patricia Castelao para quen a formación nacionalista "incorpora a enerxía de quen defendeu Galiza a través da nosa historia".
