Celebramos un encontro para falarmos da concentración de montes en Teo

DSC_6201

Fernández Baz chama á participación para que se remate a ordenación do monte que foi paralizada polo actual goberno da Xunta

Celebramos un encontro para falarmos da concentración de montes en Teo

Organizamos un encontro veciñal sobre a concentración de montes nas parroquias de Lampai, Luou e Rarís o pasado mércores 17 de outubro no local da Asociación da Mámoa en Luou.

No acto participaron como ponentes Xoán Manuel Reyes Salgado “Reices”, enxeñeiro agrónomo; Martiño Nercellas Méndez, biólogo; Xosé Luis Rivas Cruz “Mini”, deputado do BNG no Parlamento galego; e Manuel Anxo Fernández Baz, portavoz do BNG en Teo. 

O portavoz municipal do BNG, Manuel Anxo Fernández Baz, puxo de manifesto que “este encontro organízase a iniciativa veciñal en tanto que a ordenación do monte é un tema recorrente entre os veciños e veciñas, e nomeadamente das parroquias de Lampai, Luou e Rarís,” e engadiu que “nestas parroquias xa está realizado o levantamento topográfico, pero a Xunta do PP decidiu paralizar o proceso de concentración.” Por outra banda, Fernández Baz destacou que “vai depender dos propietarios e propietarias que se retomen os traballos e sexa culminada a concentración, e por iso chama á participación veciñal porque é necesario un esforzo colectivo para reclamala.” Baz incidiu na necesidade de “poñer en valor o monte e para iso é imprescindíbel unha ordenación que permita dispoñer as condicións para obter a máxima rendibilidade”, e rematou destacando que “a Xunta ten que rematar estes procesos iniciados en 1999 para avanzar na racionalización da estrutura forestal.”

Celebramos un encontro para falarmos da concentración de montes en Teo