Onte xoves, día 20, ás 20:00hs, no local do BNG de Teo (Travesía de Cacheiras, 62) tivemos a exhibición do vídeo: A revolución galega de 1846 e mártires da liberdade seguido dunha conferencia a cargo de Uxío-Breogán Diéguez Cequiel (Director da Cátedra de Memoria Histórica da Universidade da Coruña) que contou cunha destacable afluencia de público.

Agradecémoslle a Uxío a conferencia tanto polos contidos como polo ameno da mesma e agradecemos a participación que houbo.

Lembramos tamén, que o domingo, día 23, ás 12:00 hs, no monumento á batalla de Cacheiras (Montouto) faremos a tradicional Ofrenda Floral á que está convidada toda a veciñanza e persoas interesadas.