Como ven sendo habitual nestas datas imponse un modelo de consumo baseado en produtos de grandes multinacionais en grandes superficies, algo que, ademais de prexudicar directamente as veciñas e veciños que teñen estabelecementos produtivos ou comerciais en Teo ou concellos similares, provoca un empobrecemento da nosa economía e a desertización destes.

Desde o Bloque Nacionalista Galego cremos que Teo precisa dar maior apoio ao comercio de proximidade, que potencia a nosa economía e humaniza, debemos dar pulo aos produtos galegos que son, ademais, dunha grande calidade.  Por iso animamos a todas as persoas que pensen mercar nestas datas a que fagan primeiro esta reflexión.

No bng de Teo reivindicamos a artesanía, a música, os libros, a cultura, os xoguetes non sexistas, unha importante cantidade de produtos que creamos directamente, etiquetados na nosa lingua e ofertados polas nosas veciñas e veciños. 

#MellorLocalMellorGalego